December 4, 2021

Anay Desamparados, Jaro PB Noemi Jablo kag iya kabulig, nadakpan sa buy bust operation sa Pavia

Read Time:56 Second

Pavia, Iloilo — Dakup sa buy bust operation si anay Punong Barangay Noemi Jablo sang Desamparados, Jaro, 47-anyos kag kabulig nga si Alton Guirjen, 30-anyos sa Ungka 2, Pavia kahapon.

6 ka bulto sang suspected shabu kag P3,500 nga buy bust money ang narekober sang Regional Drug Enforcement Unit nga nagconduct sang operation.

Nagabaligya sang isda ang duha sa Ungka 2 kag ginpahayag nga ila pa ginabutang ang suspected shabu sa hasang sang isda.

Ginpanginwala sang duha nga ila ang nakuha nga illegal nga droga.

Nanginwala si Jablo nga iya ang nakuha nga suspected shabu matapos nga nadakpan kaupod ang kabulig nga si Alton Guirjen sa buy bust operation sa Ungka 2, Pavia kahapon.

Suno kay Jablo, nagalibog ang iya ulo kon diin halin ang suspected shabu nga nakuha sang mga otoridad.

Nagpanindugan si Jablo nga wala siya naga-intra sa illegal drug activities bisan pa nga aktibo siya sadto sa serbisyo.

Suno naman kay Guirjen, nagabulig lang siya sa pagbaligya sang isda, baboy kag manok sa kiosko ni Jablo kag nanginwala man nga nagabaligya sang illegal drugs.

Preso ang duha sa Pavia Police Station.  (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post LTFRB 6, nagpaathag kun ngaa pareho nga P9 ang pamasahe sa Western Visayas kag National Capital Region
Next post Suspek sa pagpangholdap, nadakpan sa Leganes