DENTISTRY STUDENT, DAKOP SA BUYBUST OPERATION SA STA. BARBARA
Sta. Barbara, Iloilo–10 ka sachets sang suspected shabu ang nakuha sa subject sang buybust operation sa Barangay Balabag, Sta. Barbara pasado las siete, Hulyo 11 sang gab-i.
Nadakpan si Xavier Zabiri, 27-anyos sang amo man nga barangay sang gintingub nga puwersa sang Provincial Drug Enforcement Unit (PDEU), Iloilo Police Provincial Office (IPPO) kag Sta. Barbara Municipal Police Station.
Nagalab-ut sa P40,000 ang market value sang illegal nga druga nga nakuha sa subject.
Narecover man sa iya ang P14,000 nga buybust money.
Suno kay PSI Francis Fortunado sang IPPO, ginakabig nila nga newly-identified drug personality si Zabiri.
Negros ang source sini sang druga. (JoMaque)