(UPDATE) Pavia police, nagpanindugan nga wala ginahatagan sang special treatment si anay Desamparados, Jaro punong barangay Noemi Jablo nga nadakpan sa buy bust operation

Pavia, Iloilo–Wala ginahatagan sang special treatment si anay Desamparados, Jaro Punong Barangay Noemi Jablo sa Pavia Police Station matapos nga nadakpan sa drug buy bust operation sa Barangay Ungka 2 sang Hulyo 10 sang hapon.

Suno kay PCI Fernan limbungan, hepe sang Pavia Police Station, pareho lang sa iban nga preso ang pag-trato nila kay Jablo.

Ginpasiguro man ni Limbungan nga wala sang kabalak-an sa seguridad sang anay kapitan. Handa naman si Limbungan nga i-turn over sa Bureau of Jail Management and Penology si Jablo kon may mandu halin sa korte. (AGB)