PRO 6 Director John Bulalacao, indi mag-akomodar sang mga ginpahayag narco politicians suno kay spokesperson Joem Malong

Kampo Delgado, Iloilo City–Indi na mag-akomodar si Police Regional Office 6 Director Chief Superintendent John Bulalacao sa mga ginpahayag narco-politician nga magpalapit sa iya.

Pahayag ini ni PRO 6 Spokesperson Superintendent Joem Malong matapos nagkadto sa Kampo Delgado si Monica-Blumentritt, City Proper Punong Barangay Keith ‘Dabing’ Espinosa kag ginpangita si Bulalacao.

Suno kay Malong, wala sila nakahibalo kun sin-o ang mga na-istorya kag koneksyon ni Espinosa.

Ginpanugyan ni Bulalacao suno kay Malong nga magkadto si Espinosa kay Iloilo City Police Office Director Senior Supt. Henry Biñas para sa iya concern sa seguridad.

Si Espinosa ang asawa ni PDEA-identified drug personality kag former Monica-Blumentritt, City Proper barangay kagawad Jesus ‘JingJing’ Espinosa nga preso sa Iloilo District Jail sa Nanga, Pototan. Si ‘Jingjing’ ang identified nga kaupod ni the late PDEA-identified drug group leader Melvin Odicta.

Nagpadulong ang punong barangay sa Kampo Delgado matapos ang pagtiro patay kay Bakhaw, Mandurriao Punong Barangay Remia Prevendido-Gregori kag pagkadakup sa buy bust operation sa Pavia kay anay Desamparados, Jaro Punong Barangay Noemi Jablo. Sanday Espinosa, Prevendido-Gregori kag Jablo ang ginpatawag sadtu sa city council agud ma-imbestigaran sa ginpahayag kahilabtanan nila sa illegal drugs. (AGB)