Barangay kagawad, dakup sa buybust operation sa Mina
Mina, Iloilo– Dakup sa drug buy bust operation si Barangay Kagawad Milard Pasaporte, 40-anyos sa Barangay Mina West, Mina kahapon sang aga.
Anum ka sachets sang suspected shabu kag P1,950 nga buy bust money ang nakuha kay Pasaporte.
Ginconduct sang Provincial Drug Enforcement Unit ukon PDEU kag Mina Police ang buy bust operation batuk sa barangay kagawad.
Suno kay Mina PNP Chief of Police Senior Inspector Ma Theresa Lero, tokhang surrenderer ang subject kag ginakabig nga High Value Target drug personality.
Ginpahayag nga sa Pototan nagakuha sang suplay sang illegal drugs si Pasaporte.
Yara na sa kustodiya sang Mina Police Station ang subject. (JoMaque)