PSTMO Kag Pila Ka Opisyal Sa Syudad Magasapol Agud Masolusyonan Ang Problema Liwat Sa Pagdamo Sang Mga Badjao

Iloilo City — Magapakigsapol si Public Safety and Transportation Management Office Head Jeck Conlu sa pila ka opisyal sang syudad agud istoryahan kon paano masolusyunan ang problema sa liwat naman nga pagdamo sang mga Badjao.

Natalana ang meeting ni Conlu upod kay City Administrator Hernando Galvez, representative sang City Legal Office kag City Social Welfare and Development Office alas-10 subong nga aga.

Nakasugod na inventory ang PSTMO sang nagligad nga semana kag natukiban suno kay Conlu nga 80 porsyento sa 27 ka Badjao nga ila narescue ang pareho nga mga tawo nga tuyo buligan sang syudad agud makapauli sang Disyembre sang nagligad nga tuig.

(ATT)