Manugbaligya sang isda, dakup sa buy bust operation sa Jaro
Iloilo City — Dakup sa drug buy bust operation ang manugbaligya sang isda sa Sitio Matawhay, Brgy. Tabuc Suba, Jaro kahapon sang aga (Hulyo 23).
Ginkilala ang nadakpan kay Stanley Meraflor, 28-anyos sang nasambit nga lugar nga nakuhaan sang duha ka sachets sang suspected shabu, 600 pesos nga buy bust money kag cellphone.
Todo panghiwala si Meraflor nga nagabaligya siya sang illegal nga druga.
Suno kay Senior Inspector Tranquelino Querubin Jr, ginakonsiderar nila nga newly-identified drug personality si Meraflor. (JoMaque)