December 4, 2021

Mayor Joe Espinosa, wala nakontento sa resulta sang closed-door meeting nila sang Presidential Management Staff kag DPWH angut sa problema sang mga road projects sa syudad

Read Time:51 Second

Iloilo City –Indi pa satisfied si Mayor Joe Espinosa sa closed-door meeting sini kay Presidential Management Staff Regional Head Ruby Plagata kag mga DPWH officials kahapon.

Ini ang rason suno sa alkalde nga masapol sila liwat sa masunod nga semana. Isa lang sa nahisugtan suno kay Espinosa ang pag-operate sang pumping station sa Jalandoni Street, City Proper kag magahimo sang operational testing sa Hulyo 28. Luyag ni Espinosa nga makita ang epekto sang pumping station kon solusyon gid man sa pagbaha sa area.

Nagbalibad naman si Plagata nga magpakuha sang recorded interview angut sa meeting. Apang ginpahayag sini nga wala sang delay nga road projects sa syudad bangud gina-extend lang dala sang pag-ulan. Ginpahayag pa sini nga dapat resolbahon sa local level ang mga reklamo sa road projects antes idiretso sa Malacañang.

Una na nga ginhambal ni Plagata nga wala sang delay nga road projects base sa ila na-istoryahan sa meeting. Ginpahayag pa ni Plagata nga gina-extend lang ang proyekto bangud sa ulan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Relief order sang PRO 6 sa 4 ka chiefs-of-police sa probinsya, gin-apelar sang IPPO
Next post PRO 6 Director John Bulalacao, nagpahanumdom sa mga gun owners nga suguran ang pagproseso sang renewal sang ila LTOPF anum ka bulan antes ini mag-expire