Re-opening sang Boracay, madayon sa Oktubre; soft-opening, ginaplano sa Setyembre — DENR 6
Boracay, Aklan – Madayon ang liwat nga pagbukas sang sikat nga isla sa Oktubre 26 suno kay DENR 6 Director Jim Sampulna base sa na-istoryahan sang Inter-Agency Task Force.
Pero antes ang re-opening, may ‘soft opening’ nga posible natalana sa katapusan nga semana sang Setyembre.
Sa soft opening suno kay Sampulna, pasugtan nga makabisita sa Boracay ang mga local tourists.
May one-stop shop ang DENR sa Boracay para sa mga negosyante nga magaproseso sang Environmental Compliance Certificate. Sang damlag lang, gin-suspender ni DENR Sec. Roy Cimatu ang tanan nga ECCs. Ginpahayag ni Sampulna nga ang mga makahingagaw sa pag-comply sang ECC antes ang soft opening, pasugtan nga makabukas para sa mga local tourists.
Abril sang temporaryo nga ginsiraduhan sa turismo ang isla agud i-rehabilitate. (JoMaque)