MGA ESTUDYANTE, EXCUSED KUN MAG-ABSENT BANGUD SA MALAIN NGA PANAHON — DEPED 6
Iloilo — Mahimo ma-excuse ang mga estudyante sa pag-absent kun maglain ang tyempo.
Ini suno kay Department of Education 6 Assistant Regional Director Victor de Gracia Jr.
Dugang sang opisyal, may kinamatarong ang mga ginikanan nga indi magpasudlon sa eskwelahan ang ila mga kabataan kun maglain ang tyempo kag nagabaha sa ila lugar.
Dapat magdala sang excuse letter ang estudyante pagbalik niya sa klase suno kay De Gracia.
Local Government Unit naman ang may jurisdiction sa pagpapanaug sang class suspension ilabi kun maglain ang tyempo suno sa opisyal.
May hiwaton nga make up class apang indi ini mandatory suno kay De Gracia. (JoMaque)