Mga soldado sang 61st IB sang Philippine Army kag ginapatihan mga rebelde nga New People’s Army, nag-engkwentruhanay sa Miag-ao
Miag-ao, Iloilo–Naka-engkwentro sang mga soldado nga katapo sang 61st Infantry Battalion ang ginabanta 10 ka ginapatihan miembro New People’s Army sa Sitio Tigmagahan, Barangay Alimodias, Miag-ao mga alas-9 kaina sang aga.
Suno kay Lieutenant Colonel Sisenando Magbalot Jr, commander sang 61st IB, nagahimo sang combat operations ang mga soldado sang naabtan ang armado nga grupo.
Naglawig sang lima ka minutos ang engkwentro suno kay Magbalot.
Ginpasiguro ni Magbalot nga wala sang napilasan sa mga soldado apang posible suno sa iya nga may pilason sa mga rebelde bangud sang nakita nga tinulo sang dugo sa lugar. (AGB)