December 7, 2021

BANGKAY SANG BABAYE NGA NASAPWAN SA JORDAN, GUIMARAS, WALA PA GIHAPON NAKILALA

Read Time:1 Minute, 6 Second

Jordan, Guimaras-Madamo na sang nagtawag kag nagpamangkot sa Jordan Municipal Police Station may kaangtanan sa nasapwan nga bangkay sang babaye sa kasi-utan sa Caram Street, Barangay Alibhon.

Suno kay PCI Carl Stephen Lee Betansos, hepe sang Jordan MPS, posible nga gintapok lang sa lugar ang biktima bangud wala sang patimaan nga ginpatay ang babaye sa lugar sa diin ini nasapwan.

Natalana ipa-autopsy ang bangkay agud mahibaluan kun ano gid ang rason sang iya kamatayon kag kun bala ini ang ginhimuslan.

Halos indi na makilala ang babaye bangud sang agi sang paglampos sa iya nawong.

Ang bangkay ginabanta naga-edad 20-25-anyos, 4’8 ang kataason, maputi, medium built kag malaba ang buhok nga blonde ang punta. Wala ini sang palatandaan sa lawas pareho sang alom.

Nakasuksok ini sang maong pants nga naluslos na paidalum upod ang underwear kag gray ang t-shirt nga nabatak naman pababaw.

Narecover sa crime scene ang isa ka empty bottle sang C2, putos sang condom, panyo nga pink kag itom nga gloves.

Malayo na ang nahamtangan sang bangkay sa mayor nga banas kabangdanan wala gilayon nakit-an.

Ang bangkay nakit-an sang manugkahoy kahapon sang aga, Agosto 2.

Sa mga may himata nga babaye nga wala pa nakapauli kag pareho sa babaye ang description mahimo magtawag kay PSI Betansos paagi sa cellphone number 09989673715.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 3 KA BALAY, NASUNOG SA SO-OC AREVALO; 2 PATAY KAG 2 PILASON
Next post BJMP6 Director Jail Senior Supt. Joel Superficial kag PRO6 Director Chief Supt. John Bulalacao Nagsapul agud Diskusyonan ang Impormasyon nga may Preso nga Drug Personalities nga Padayon Gihapon sa Illegal Drug Transaction