Barangay kagawad sa Barotac Viejo, arestado matapos nakuhaan sang pusil nga wala sang lisensya

Barotac Viejo, Iloilo–Arestado si Barangay Kagawad Jomarie Aguirre sang Brgy. Sto. Domingo, Barotac Viejo matapos nakuhaan sang pusil nga wala sang lisensya.

Ginserbi sang Barotac Viejo police ang search warrant kay Aguirre pasado alas 6 kaina sang aga, Agosto 4. Suno kay Chief Inspector Joven Arevalo, hepe sang Barotac Viejo Police Station, narecover sa balay ni Aguirre ang duha ka .45 kalibre nga pusil sa diin isa ang may lisensya samtang isa ang wala lisensya kag mga bala.

Ginserbihan sang search warrant si Aguirre bangud sa reklamo nga nagahupot ini sang pusil sa ila barangay suno kay Arevalo. (AGB)