November 28, 2021

Babaye nga nasapwan sa Jordan, Guimaras, nakilala na

Read Time:55 Second

Jordan, Guimaras-Ginkilala na sang iya pamilya ang babaye nga nasapwan sa kasi-utan sa Caram Street, Barangay Alibhon.

Suno kay PSI Carl Stephen Lee Betansos, hepe sang Jordan MPS, ginkilala sang iya mga utod ang biktima kay Emilyn Ganancial, 23-anyos sang Sitio Igbantang, Sta. Teresa, Jordan, Guimaras.

Ginpahayag ni Betansos nga las dos kaina sang kaagahon, Agosto 4, nag-abot sa Jordan ang mga utod ni Ganancial nga nagatrabaho sa siyudad sang Iloilo kag positibo nga ginkilala ang bangkay paagi sa bayo sini kag sa alom malapit sa iya mata.

Si Ganancial ang naga-review sa Iloilo bangud plano sini magkuha sang exam para makasulod sa pagka-pulis.

Halos indi na makilala ang babaye bangud sang agi sang paglampos sa iya nawong.

Narecover sa crime scene ang isa ka empty bottle sang C2, putos sang condom, panyo nga pink kag itom nga gloves.

Malayo na ang nahamtangan sang bangkay sa mayor nga banas kabangdanan wala gilayon nakit-an.

Ang bangkay nakit-an sang manugkahoy sang Agosto 2 sang aga.

Wala pa gid nakilala ang suspetsado ukon mga suspetsado sa krimen. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 10 BALAY, NA-DAMAGED SA LANDSLIDE SA IGBARAS
Next post Anay barangay kagawad sa Bakhaw, Mandurriao, dakup sa buy bust operation