1 SA 2 KA SUSPECTS SA PAGPATAY SA BARANGAY TANOD SA BRGY. BAGACAY EAST, MAASIN, NAGSURRENDER
Maasin, Iloilo — (UPDATE) Nagsurrender sa mga police ang isa sa duha ka suspects nga nagpatay sa barangay tanod sa Barangay Bagacay East, Maasin kahapon, Agosto 5.
Suno kay PO1 Alfredo Bartolo, imbestigador sang Maasin Police Station, nagsungka alas 8 kagab-i si Jeojhim “Panoynoy” Palermo, 23 anyos sang Brgy. Arac, Passi City kag construction worker sa ginakay-o nga apartment. Nakonsensya suno sa iya si Palermo sa natabu.
Ginpahayag ni PO1 Bartolo nga wala sang partisipasyon sa krimen si Palermo apang nagbulig ini sa pagtuwang sa bangkay sang tanod nga si Emilio Macaya, 55 anyos.
Gintudlo suno sa iya ni Palermo si Delmer Tingson sang Brgy. Layog, Maasin nga amu ang nagpatay sa biktima.
Nasapwan si Macaya sa bakante nga lote nga may pilas sang pagkabuno kag gingulgolan sang liog. (JoMaque)