November 28, 2021

Suspek sa pagpatay sa babaye nga nasapwan sa kasi-utan sa Alibhon, Jordan, Guimaras, nadakpan na

Read Time:45 Second

Guimaras — Ginkumpirmar ni Senior Supt. Julio Gustilo, director sang Guimaras Police Provincial Office (GPPO) ang pagkadakup kahapon sang aga, Agosto 5 sa suspek nga si Antonio Mallorca, 23 anyos sang Brgy Dasal, Sibunag, Guimaras.

Si Mallorca ang ginatudlo nagpatay kay Emelyn Ganancial, 23 anyos sang Sitio Igbantang, Sta. Teresa, Jordan nga nasapwan sa kasi-utan sa Caram Street, Brgy. Alibhon, Jordan sang Agosto 2.

Suno kay Gustilo, yara na sa custody sang Jordan Police Station si Mallorca.

Ginpahayag ni Gustilo nga wala niya ginpa-untat sa pagpangita sa suspek ang mga imbestigador umpisa sang nasapwan si Ganancial.

Si Mallorca suno kay Gustilo ang ex-boyfriend sang biktima. May mga indikasyon suno sa iya nga ang suspek ang ulihi nga nakaupod sang biktima antes ini nasapwan nga patay.

Gin-ako suno sa iya ni Mallorca ang krimen. Pagpangimon ang isa sa ginatan-aw nga motibo sang kapulisan sa pagpatay sa biktima. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Anay barangay kagawad sa Bakhaw, Mandurriao, dakup sa buy bust operation
Next post Mga suldado kag ginapatihan mga rebelde, nag-engkuwentrohanay sa Cabatangan, Lambunao