Indian national, nasapwan nga tata sang buno kag wawa ang tangkugo sa Sta. Barbara
Sta. Barbara, Iloilo — Ginkilala ang Indian national kay Harvender Sido Singh, 32-anyos, negosyante nga nagapautang sa lugar.
Wawa ang liog ni Singh kag madamo sang pilas sa likod sini tuga sang pagkabuno. Suno kay Senior Inspector Rey Pabalan, hepe sang Sta. Barbara PNP, isa sa mga anggulo ang ginasulod nila amo nga ginhold-up ang biktima.
May dala ini nga dako nga kwarta halin sa ginasukot sini nga pautang. Narecover naman ang motor nga ginsakyan sang biktima mga ginabanta isa ka kilometro halin sa crime scene.
Wala pa sang suspek ang Sta.Barbara Police sa pagpatay sa Indian national. Suno Pabalan, posible naga-isahanon lang ang suspek sa pagpatay kay Harvender Sido Singh. Posible man suno kay Pabalan nga naga-angkas ang suspek sa motorsiklo sang biktima bangud sa pilas sini sa likod kag tangkugo tuga sang pagkabuno.
Halin sa banwa sang Sta.Barbara ang Indian national kag pauli sa Barangay Lupa sang natabu ang krimen. (JoMaque)