Duha ka contractors sang ginareklamo nga road project sa Trapiche, Oton, nagsapol agud istoryahan kon paano tapuson ang trabaho

Oton, Iloilo–Nagsapol ang duha ka contractors sang road projects sa Trapiche, Oton agud mahambalan ang plastada sang ila pag obra sang karsada.

Nag-trending sa Facebook ang gina-construct nga karsada matapos ginpangtaman sang kapayas, fortune plant kag balunggay sang mga residente bangud mahinay nga matapos ang pag-obra.

Nag-abot ang engineers sang G. Uy Construction nga contractor sang concreting of road kag Wilkinson Construction nga contractor sang road widening kag drainage project.

Nagtambung man sa sinapol si punong barangay Jorge ‘Butch’ Mediodia nga nagalaum nga mangin positibo ang resulta sang meeting. (AGB)