December 2, 2021

City Administrator Hernando Galvez kag mga department heads, nagatudlu-anay sa pagka delay sang sweldo sang mga empleyado

Read Time:53 Second

ILOILO CITY — Nagapatudluanay ang mga Department heads kag si City Administrator Hernando Galvez sa kun sin o gid man ang nagapa-delay sang sweldo sang mga empleyado sang City Hall.

Sa statement ni General Services Office head Joren Sartorio, isa sa mga rason kun ngaa delayed ang sweldo bangud may mga tion nga delayed man ang pag abot sang job orders halin sa City Administrator’s Office.

Suno naman kay CDRRMO head Donna Magno, gina proseso sang ila opisina ang mga dokumento on time apang ang pag proseso naman sa City Administrator’s Office ang beyond na sa ila nga control.

Suno kay City Administrator Atty Hernando Galvez, posible nga wala man nagapa City Hall ang mga department heads nga nagsiling nga delayed na nga gwa sa iya opisina ang mga job orders bangud kun taga City Hall, mahibaluan nila nga nagatrabaho siya bisan gab-i na.

Dugang pa niya, ang department heads ang dapat makasabat sa delayed nga mga sweldo bangud ila ini katungdanan. Kun indi na nila kaya, dapat nga mag resign na lang.  (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga miembro sang NPA nga napatay sa engkuwentro sa San Jose, Antique, nagahimo sang extortion activities sa mga contractor sang on-going gov’t projects sa probinsya suno sa PRO 6
Next post 8-anyos nga bata nga ati, nagreklamo nga ginhimuslan sang kapareho nga ati sa Barotac Viejo; pamilya sang bata, pursigido nga magpasaka sang kaso