Biyahe sang Metro Express modernized jeepney sa Pavia People’s Terminal, temporaryo nga gin-untat kasunod sang reklamo sang pila ka transport groups sa Pavia

Pavia, Iloilo—Temporaryo nga nag-untat ang pagbiyahe sang Metro Express nga modernized jeepneys sa Pavia People’s Terminal.

Ginconfirmar ini ni SB Member Pyt Trimañez sang Pavia. Suno kay Trimañez, nakibot sila nga naghambal ang manager sang Pavia People’s Terminal nga wala naga-park ang Metro Express jeepneys.

Ginpahayag naman ni Trimañez nga pwede madakup ang Metro Express nga units kon magpadayon sa pag-operate sa tiun nga matapos na ang provisional authority nga ginhatag sa ila sang LTFRB.

Antes sini, nagwangal suno kay Trimañez ang pila ka transport groups sa mga ruta nga ginalabayan sang Metro Express bangud apektado ang ila biyahe. Ginpahayag man sang SB member nga wala sang approval halin sa LGU ang ruta nga ginalabayan sang modernized jeepneys. (AGB)