Construction worker sa Sta. Barbara, dakup sa drug buy bust operation

Sta. Barbara, Iloilo–Dakup ang construction worker sa buy bust operation sa Barangay Talanghauan kagab-i, Agosto 16.

Apat ka sachets sang suspected shabu kag P500 nga buy bust money ang nakuha kay Reymond Arca, 22-anyos nga residente sang nasambit nga lugar.

Suno kay PSI Jose Rey Pabalan, hepe sang Sta. Barbara Municipal Police Station, newly identified drug personality si Arca.

Sa ila barangay lang ang operasyon sini kag mga customer lang niya ang naga-kadto sa ila lugar. Madugay na suno kay Pabalan nga gina-monitor sang mga police ang aktibidad sang subject antes ginhimo ang operasyon. (AGB)