(UPDATE) Line-up ni 3rd District Board Member Lorenz Defensor nga nag-anunsyar nga mapadalagan nga congressman sa 2019 elections, posible makumpleto sa Setyembre
Iloilo–Mahibaluan sa Setyembre ang kumpleto nga line-up ni 3rd District Board Member Lorenz Defensor nga nag-anunsyar sang iya kandidatura bilang congressman sa 2019 elections.
Suno kay Defensor, indi niya luyag nga tuman ka timprano ukon ulihi ang pag-anunsyar sang iya linyada.
Gina-areglo pa man ang mga kandidato sa nagkalain-lain nga mga banwa suno sa board member kag ginahulat pa sini ang matugda sang iya amay nga si Governor Arthur Defensor.
Nagpasalig naman si Defensor nga magluwas nga padayunon ang mga programa sang iya utod nga si incumbent Congressman Toto Defensor, maga-implementar man siya sang kaugalingon nga mga lihok agud makabulig sa publiko. Mapadalagan naman nga gobernador si Congressman Defensor. (AGB)