Lalaki sa drug watchlist sang Dumangas Police Station, nadakpan sa buy bust operation

Dumangas, Iloilo–Arestado sa drug buy bust operation ang lalaki nga yara sa drug watchlist sang Dumangas Police Station.

Ginkilala ang nadakpan kay Roie Deocampo sang Paloc Bigque, Dumangas nga nakuhaan sang 11 ka sachets sang suspected shabu kag 500 pesos nga buy bust money.

Suno kay Chief Inspector Rene Obregon Jr, hepe sang Dumangas Police Station, gintinguhaan nila sang una nga mapasurrender sa Oplan Tokhang si Deocampo pero wala sini ginhimo.

Makapila ka beses nga may nagreport nga nagabaligya sang illegal drugs si Deocampo gani ginsurveillance tubtob nga gin-operate sang Dumangas police sa bulig sa Provincial Drug Enforcement Unit. (AGB)