Private airport sa Sicogon Island sa Carles, bukas sa mga turista kag pumuluyo suno kay Mayor Siegfred Betita

Carles, Iloilo–Indi lang para sa mga turista ang ginaconstruct nga Sicogon Island Private Airport sa Carles suno kay Mayor Sigfred Betita.

Ginpahayag sang alkalde nga mahimo man maka-avail sang serbisyo ang mga pumuluyo malapit sa kaiping nga mga banwa kasubong sang San Dionisio, Estancia, Sara, Balasan, Concepcion lakip sa Pilar, Capiz kag iban pa nga mga lugar bangud mas malip-ot ang byahe.

Lunes, Miyerkules kag Sabado ang schedule sang mga commercial flights sang Air Swift halin Manila pakadto sa Sicogon kag vice versa suno kay Betita.

Nagtest flight ang 50-seater nga eroplano sa ginaconstruct nga runway sa sikat nga Sicogon Island sang Lunes.

Ang Sicogon Island nga ginatawag subong Sicogon Island Tourism Estate ukon SITE ang ginapanag-iyahan sang Sicogon Island Development Corporation. Developer naman sang lugar ang Ayala Land kag Sicogon Island Developer Corporation. (AGB)