November 27, 2021

BAG-O NGA FARE MATRIX PARA SA MGA PUJ’s PWEDE NA MAKUHA SA LTFRB6; DOS PESOS NGA INCREASE SA REGULAR FARE SANG MGA UTILITY JEEPNEYS EPEKTIBO NA SA AGOSTO 30

Read Time:1 Minute, 6 Second

Available na ang mga taripa sang pamasahe para sa mga public utility jeepneys ukon PUJ’s agud legal nga makapanukot sang 2 ka pesos nga saka sang pletehan matapos gin-aprobahan sang Land Transportation Franchising and Regulatory Board ukon LTFRB central office ang fare increase.

Ini ang ginkompirmar ni Miss Janet Solinap Chief Transportation Development Officer sang LTFRB6 kasunod sang pa-aksyon nga dapat magkuha sang taripa agud indi magkaproblema.

Suno kay Solinap 610 pesos kada rota ang taripa kag 50 pesos nga dugang kada unit.

Ginpaathag man ni Solinap nga 5 mil pesos ang penalidad sang madakpan nga nagapanukot nga wala sang taripa kag posible pa marevoke ang prangkisa.

Epiktibo naman sa Agosto 30, 2018 anbg dugang nga 2 pesos sa regular fare sang mga public utility jeepneys suno sa LTFRB6.

Ginpahayag ni Solinap nga 8 pesos kag 50 sentimos ang bayaran sa una nga apat ka kilometros sang pasahero samtang may dugang nga piso kag 12 sentimos sa masunod nga kilometro.

Indi mahimo nga makapanukot ang driver sang dugang nga dos pesos kon wala makakuha sang fare matrix sa LTFRB bangud ini ang balasehan sang mga pasahero sa ila pagplete.

Ginpahanumdom naman ni Solinap ang mga driver nga indi pa sila makapanukot bisan pa nga may fare matrix na sila bangud dapat nga hulaton ang gintalana nga adlaw.

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post SECURITY GUARD, NALASAKAN SANG 10-WHEELER TRUCK SA BUHANG, JARO PATAY; 1 PA PILASON
Next post Platoon leader, 2 pa pilason sa paglupok sang IED kag engkwentro batuk sa ginapatihan NPA members sa Leon