Mga pamilya kag abyan sang pito ka NPA members nga napatay sa engkwentro sa Antique, nagrally sa syudad kag nagasinggitan sang hustisya sa ila mga himata

Iloilo City–Nagrally ang mga pamilya kag abyan sang pito ka miembro sang New People’s Army nga napatay sa engkwentro sa San Jose, Antique sang nagligad nga semana.

Nagtipon ang mga ini sa Bonifacio Drive, City Proper malapit sa Iloilo Provincial Capitol kag nagdemand nga hatagan sang hustisya ang kamatayon sang ila mga himata. Ginapanindugan sang mga nagrally nga gin-masaker ang mga napatay kag wala sang engkwentro nga natabu.

Madumduman nga napatay sa engkwentro batuk sa mga pulis kag soldado sanday Jason Talibo; Karen Ceralvo; Felix Salditos; Jason Sanchez; Liezel Bandiola, Eldie Labinghisa kag Peter Mecenas. (AGB/ATT)