Maestro, gintiro sang riding-in-tandem sa Passi City
Passi City, Iloilo – Ginkilala ang biktima kay Nicanor Labo, ginpahayag nga nagatudlo sa Passi City National High School.
Suno kay Atty. Stephen Palmares nga estudyante sang una sang biktima, gintiro si Labo sa atubang sang mall sa Simeon Aguilar Street, Passi City.
Sa impormasyon nga nakalab-ut kay Palmares, may igo si Labo sa paa, abaga kag tiyan kag conscious sa ospital.
Padayon ang hot pursuit operation sang Passi City police sa suspek nga ginpahayag nagpalagyo sa direksyon pakadto sa Dumarao, Capiz. (JoMaque)