December 8, 2021

Pulis, patay matapos nagtabog sa ginamaneho nga motorsiklo

Read Time:36 Second

Capiz — Patay ang pulis nga ginkilala kay PO1 Armolin Baruela, 33 anyos sang Poblacion Ilaya, Maayon, matapos nagtabog sa iya ginamaneho nga motorsiklo sa Brgy Tabuc, Panit-an las 8:30 kagab-i, Agosto 25.

Suno kay PO1 Mark Rendon, imbestigador sang Panit-an MPS, halin sa Bailan, Pontevedra Capiz si PO1 Baruela kag mapadulong kuntani sa Roxas City sang nakabunggo sa steel railings sang karsada ang iya salakyan kag nagtabog ang biktima.

Posible suno kay PO1 Rendon nga madasig ang pagpadalagan ni PO1 Baruela sang iya salakyan.

Ginhingagaw pa dala sa ospital si Baruela apang gindeklarar nga napatay bangud sang mga pilas sa iya lawas.

Si PO1 Baruela ang assign sa 2nd Aklan Provincial Mobile Force Company (PMFC). (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Toyota Hilux, nagkaya sa tunga sang karsada
Next post Sastre, dakup sa buy bust operation sa Oton