Lalaki, dakup sang nakuhaan sang pusil kag suspected shabu sa Balasan

Balasan, Iloilo — Dakup ang lalaki sang nakuhaan sang pusil, bala kag suspected shabu sa Brgy. Tingui-an, Balasan kaina las 4 sang hapon (September 7).

Nakabaton sang report ang Balasan police nga may lalaki nga naga-pakawal sang armas sa nasambit nga barangay.

Sang ila gin-respondehan, nadakpan si Robert Albatin, 36-anyos sang Brgy Lawis kag nakuha sa iya ang 12- guage shotgun kag bala.

Na-recover man sa iya ang duha ka sachets sang suspected shabu sang ini ang gin-rekisa sang Balasan police.
Preso sa Balasan Municipal Police station si Albatin. (JoMaque)