Mag-abyan, pilason sang ginlampusan sang tire wrench kag botelya sa City Proper

City Proper — Lunsay napilasan sa ulo ang mag-abyan nga lalaki sang ginlampusan sang tire wrench kag botelya sa ulo sang nagguwa sa KTV Bar sa Grand Xing Hotel sa City Proper subong nga kaagahon (September 8).

Ginkilala ang mga pilason nga sanday Nestor Parreño, 19 anyos sang Balabag, Pavia kag Hanz Diojenes, 21 anyos sang San Pedro, Molo.

Suno kay Diojenes, antes pa man sila nagguwa sa KTV Bar, ginpaandaman na sila sang ginabanta lima tubtob sa pito ka kalalakihan nga maghalong.

Pauli na sila sang ginsundan sang mga lalaki nga yara sa salakyan kag ginlampusan sang tire wrench kag botelya.

Ginhandos pa ang duha sang screw driver.

Nag-ayo naman ang mga biktima nga dal-on sa ospital bangud sa paglain sang pamatyag kag paglingin sang ila ulo. (JoMaque)