Mga Garin, maupod kay 4th District Cong. Ferj Biron sa 2019 elections

Ginhimo ni Mayor Garin ang deklarasyon sa event sang Nacionalista Party kag Hugpong ng Pagbabago sa Iloilo Convention Center subong nga gab-i, Setyembre 8.

Ginbase ini suno kay Garin sa sentimento sang pumuluyo kag mga political leaders.

Lakip naman sa mga kondisyon sa pag-upod sang mga Garin kay Biron amo ang:

(1) Ang tanan nga kandidato sang mga Garin halin sa pagka-kongresista padalum sa SB members, mangin kandidato man sang partido ni Biron kag (2) Mangin first nominee sang AAMBIS OWWA Partylist si Vice Governor Christine Garin kag second nominee si former Cong. Junjun Biron.

Gin-athag naman ni Mayor Garin nga una na gin-istorya ni Cong. Richard Garin si Gov. Arthur Defensor agud i-inform sang desisyon sang ila pamilya antes pa man ang deklarasyon subong nga gab-i (Setyembre 8).

Mapadalagan bunggo kay Biron ang bata ni Gov. Defensor nga si 3rd District Cong. Arthur ‘Toto’ Defensor Jr. (JoMaque)