Bangkay sang barangay tanod, nasapwan nga naga-utaw utaw sa irrigation canal sa Barotac Viejo

Iloilo — Nasapwan nga naga-utaw utaw sa irrigation canal ang bangkay sang barangay tanod sang Brgy. San Miguel kahapon, Setyembre 9.

Suno kay Chief Inspector Joven Arevalo, hepe sang Barotac Viejo Police Station, ginkilala ang tanod kay Romerico Baron, Jr. Sa ila imbestigasyon, nagtambong sa birthday party si Baron kagab-i kag ginapatihan nga naka-slide ini sa alagyan kag nahulog sa irigasyon.

Natabuan suno kay Arevalo nga nag-ulan kagab-i kag mabaskog ang daludo sang tubig kag bangud sa kahulugbon, posible nalumos si Baron. May nakita nga bagras sa tuhod, guya kag bukol sa agtang ni Baron.

Gin-engganyo sang Barotac Viejo police ang pamilya ni Baron nga ipa-autopsy ang iya bangkay agud mahibaluan kon may foul play sa iya kamatayon. (JoMaque)