Cafgu member, patay sa engkuwentro sa tunga sang mga suldado kag ginapatihan NPA members sa Janiuay
Janiuay, Iloilo — Patay ang CAFGU Active auxiliary member samtang indi magnubo sa duha ka ginapatihan miembro sang New Peoples Army ang pilason kasunod sang engkwentro sa tropa sang 61st Infantry Battalion sang Philippine Army sa Brgy, Agcarope, Janiuay las tres kahapon sang hapon, Setyembre 9.
Suno kay Lieutenant Colonel Sisenando Magbalot Jr, commanding officer sang 61st IB, nagaconduct sang security patrol ang ila tropa sang na-engkwentro nila ang ginabanta 10 ka mga miembro sang Baloy Platoon, Sangay Partido Pamproganda, Central Front Committee sang Komiteng Rehiyong Panay.
Ginpahayag naglawig sang 15 minutos ang engkwentro tubtob nga nagpalagyo ang mga rebelde. Wala pa ginhingadlan sang mga soldado ang napatay. Narecover sa lugar ang duha ka M16 rifles , isa ka AK47 rifle, improvised explosive devices ukon IED’s kag mga dokumento nga ginapatihan ginapanag-iyahan sang mga rebelde.
Ginkunfirmar naman ni Police Senior Inspector John Paul Guay, hepe sang Janiuay Municipal Police Station nga may lalaki nga napatay matapos nabun-an kag natiruhan halin sa encounter site.
Gin-airlift pakadto sa kampo sang mga soldado ang lalaki nga ginkilala kay Virgilio Loraña, tumandok sang Barangay Monte-Magapa, Janiuay suno kay Guay kag gilayon nga gindala sa ospital apang gindeklarar dead on arrival bangud sang pilas sa dughan base sa inisyal nga impormasyon. (JoMaque)