34 ka balay, nasunog sa Boulevard kag West Habog-Habog, Molo; short circuit, ginapatihan ginhalinan sang kalayo

Iloilo City — 34 ka balay ang apektado sang sunog sa Barangay Boulevard kag West Habog-Habog, Molo kagab-i, Setyembre 10 base sa record sang Bureau of Fire Protection- Iloilo City.

28 ka balay ang totally damaged kag 3 ang partially damaged sa Boulevard samtang 2 ang totally damaged kag isa ang partially damaged sa West Habog-Habog.

Suno kay Fire Chief Inspector Christopher Regencia, City Fire Marshall nga naghalin ang kalayo sa balay ni Rodulfo Andot Buenavista.  Base sa ila imbestigasyon nga short-circuit ang ginhalin sang kalayo.

May nakakita suno sa iya nga una nga nagkalayo ang kisame ni Buenavista tubtob nga naglapta ang kalayo sa katupad nga balay.

Ginabanta sa P1.2 million ang nangin kahalitan sang sunog sa structural capability kag wala pa nalakip ang mga kagamitan sang mga nasunogan. Padayon pa ang imbestigasyon sang BFP sa nagluntad nga sunog. (JoMaque)