1 patay, 5 pilason sang nakabunggo ang awto sa pader kag puno sang kahoy sa Mandurriao

Iloilo City–Isa patay, lima ang pilason sang nakabunggo ang awto sa pader kag puno sang kahoy sa Brgy. Guzman Jesena, Mandurriao kaina sang kaagahon, Setyembre 12.

Ginkilala ang napatay kay alyas Peter, 19 anyos sang Capiz nga may pilas sa ulo.

Pilason kag confine sa ospital sanday Benz Ryan Blanca, 20 anyos sang Tibiao, Antique nga may pilas sa leog, kag Saint John Zerrudo, 19 anyos sang Sto. Rosario, Duran nga may pilas wala nga parte sang ulo.

May menor nga pilas naman sanday Marko dumarao, 20 anyos; Jaro Ricamonte, 21 sang Molo kag Jovien Bacuyani, 19 anyos sang Buenvista, Guimaras.

Suno kay PO2 Louie Alilano, traffic investigator sang Mandurriao Police Station, halin sa birthday party sa isa ka subdivision sa Mandurriao ang mga biktima kag pakadtu sa City Proper sang na-aksidente.

Ginpahayag ni PO2 Alilano nga ginamaneho ni Rundy Monsale Jr, 20 anyos sang Baybay Sur, Miagao ang Chevrolet Sedan sang nag-overtake ini sa isa ka salakyan kag bangud ginpahayag madasig ang dalagan kag likuon, nag-alang-alang si Monsale tubtub nga nakabunggo sa pader kag puno sang kahoy.

Nakabunggo sa kahoy ang likod nga parte sang awto sa diin nagapungko ang napatay. (AGB)