Bagyo Ompong, nakasulod na sa Philippine Area of Responsibility; NDRRMC, DILG kag iban pa nga government agencies, nakapanghanda na sa posible epekto sang bagyo

Nakasulod na sa Philippine Area of Responsibility (PAR) ang Bagyo Ompong nga may international name Mangkut.

Ginconfirmar sang PAGASA sa ila official Facebook page nga nagsuldo sa PAR ang bagyo alas-3 kaina sang hapon, Setyembre 12. Ginforecast nga maapektuhan sang bagyo ang Regions 1, 2 kag 3. Pabaskugon sang bagyo ang hangin habagat nga magadala sang pag-ulan sa Visayas, Mimaropa, Region 9, Northern Mindanao kag CARAGA.

Suno kay National Disaster Risk Reduction and Management Council Undersecretary Ricardo Jalad, may potential nga mangin supertyphoon si Ompong kon maglapaw sa 220 kilometro kada oras ang kabaskugon sang hangin. Posible naman nga mabatyagan na buwas ukon sa Biernes suno kay Jalad ang mabaskug nga pag-ulan sa mga apektado nga lugar.