Barotac Viejo Mayor Beng Tupas, 90 porsyento na nga mapadalagan nga vice governor kag mangin running mate ni Cong. Defensor sa 2019 elections

Iloilo City — 90 porsyento na nga mapadalagan nga vice governor si Barotac Viejo Mayor Niel ‘Beng’ Tupas III para sa 2019 elections.

Ini ang pahayag ni Tupas makaligad gintanyagan siya sang pamilya Defensor nga mag-upod kay Congressman Arthur ‘Toto’ Defensor nga mapadalagan naman bilang gobernador.

Suno sa alkalde, ginakonsulta pa niya ang iya asawa, iloy kag mga utod antes magpaguwa sang deklarasyon.

Nagpasalig ini nga subong nga adlaw ukon buwas, mapaguwa siya sang desisyon.

Ginapaabot man ni Tupas nga kon mapadalagan siya, iya bunggu-on ang pamilya Garin. Apang suno sa iya, tutukan niya ang iya kaugalingon kag mga kaupod sa linyada. (JoMaque)