December 3, 2021

Hugot sang seguridad pasulod sa Guimaras, ginmandu sang police kasunod sang mga pagpalupok sang IEDs sa Mindanao

Read Time:36 Second

Guimaras–Ginmandu ni Guimaras Police Provincial Office Director Senior Supt. Julio Gustilo ang paghugot sang seguridad pasulod sa isla.

Ini ang tikang ni Gustilo agud masiguro ang kalinong kag katawhay sa probinsya kasunod sang pagpalupok sang improvised explosive device sa General Santos City kag Midsayap, North Cotabato sang Setyembre 16.

Suno kay Gustilo, nagapakig-angut siya sa lain-lain nga law enforcement agencies kag nagahingyo man sang kooperasyon sang publiko nga magreport gilayon sa pinakamalapit nga police station kon may makita nga makaduluda nga mga tawo.

Madugay naman nga na-activate suno kay Gustilo ang komunikasyon sa kabaranggayan ilabe na sa coastal areas kag ginagamit man ang K9 units nga magdetect kon may kontrabando nga ginapasulod sa isla. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Anay commander sang 3rd Infantry Division Philippine Army nga si Retired Major General Jon Aying, plano nga magpadalagan nga mayor sa Sara
Next post (UPDATE) 2 ka menor-de-edad nga ginreklamo nga naghold-up sa taxi driver sa Mandurriao, ginbuy-an sang police matapos ang intervention sang DSWD