Labandera sa Syudad sang Iloilo, bag-o nga milyonaryo sa 2018 MBC Milyones Promo
Iloilo City–Matuman na gid man ang handum ni Angie Tasi sang Mandurriao nga mapakay-o ang lusbuton sini nga atop kag gabok nga balay.
Si Tasi ang bag-o nga milyonaryo sa Iloilo matapos siya nagdaug sa MBC Milyones Promo 2018 sang Manila Broadcasting Company.
Malawig nga pasensiya kag kaukod sa pagtipon sang mga proof of purchase ang sekreto ni Tasi sa pagdaug.
Suno sa iya, nagapulaw siya tubtob las tres sa kaagahon sa pagsulat sang mga entries.
Nagabulig sa iya sa pagtipon sang POPs ang iya bana kag kabataan agud magdamo ang iya mga entries.
Labandera si Tasi samtang mekaniko naman ang iya nga bana. (JoMaque)