(PULSO PULITIKA) Resulta sang consensus sang mga punong barangay kon sin-o ang ila luyag nga mga kandidato sa linyada ni Iloilo City Cong. Jerry Treñas, wala pa nakita sang kongresista

Iloilo City–Nagpa-survey si Iloilo City Lone District Congressman Jerry Treñas kon sin-o ang maka-upod sini sa iya linyada sa 2019 elections.

Gin-ako sang kongresista nga nagpahimo siya sang consensus sa 160 ka punong barangay agud magpili kon sin-o ang ila gusto nga mga kandidato sang grupo.

Gin-athag naman ni Treñas nga wala pa siya nakakita sang resulta kag kon official na gid man nga resulta ang naguwa sang damlag lang sa diin nagdaug si anay Councilor Jamjam Baronda nga mangin kandidato sa pagka-kongresista batuk kay anay Councilor Lex Tupas.

Ginpahayag ni Treñas nga isa lang sa mga basehan sa iya pagpili sang mga kandidato ang consesus sang mga punong barangay. Ginabasehan man sini ang track record, ‘winnability’ kag loyalty sang mangin kandidato sa grupo. (AGB)