November 28, 2021

Retired nga miembro sang Philippine Army, gintiro patay sang riding-in-tandem sa Barotac Viejo; Mga pangayaw nga suspek, nadakpan

Read Time:1 Minute, 15 Second

Iloilo — Patay ang retirado nga soldado sang Philippine Army matapos gintiro sang riding-in-tandem sa Barangay Santiago, Barotac Viejo pasado alas-5 kahapon sang hapon, Setyembre 26.

Ginkilala ang biktima kay Joren Bañas sang Barangay San Fernando sa amo man nga banwa nga may pilas sa baba kag wala nga kilid. Sakay ini sa elf truck nga ginamaneho ni Feb Barabona halin sa banwa sang Barotac Viejo kag papuli na sang ginsunod sang riding-in-tandem kag gintiro.

Suno kay Santiago Punong Barangay Romeo Agsaluna, nagatan-aw siya sang basketball sa gym sang nabatian ang linupok. Ginabanta ni Agsaluna nga naglawig sang lima ka minutos ang lupok.

Ginpahayag sang kapitan nga nakita sini nga nagasunod ang motorsiklo sa elf truck kag natabu ang tiruhay. Natumba suno sa iya ang motorsiklo kag ginbalikan sang elf kag gintiro sang sakay ang mga suspek gani nagpalagyo ang mga ini.

Nadakpan sa hot pursuit operation sang police, mga tanod kag barangay officials ang duha nga nagpakilala una kanday Jolem Jelica kag James Sanchez malapit sa gym.

Natukiban sang ulihi base sa nakuha nga IDs nga ang mga suspek amo sanday Sergeant Brian Mullot sang Surigao del Sur kag Corporal Jessie Ensilay sang Siaton, Negros Oriental, mga miembro sang 5th Marine Battalion Landing Team nga nabase sa Palembang, Sultan Kudarat.

May pilas si Ensilay sa tiyan, tuo nga tuhod kag ibabaw sang wala nga luku-lukuan matapos nakabalos pa palupok ang biktima samtang may mga gasgas si Mullot sang natumba ang ila motorsiklo. (JoMaque/AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Duha ka suspetsado sa pagtiro patay sa retirado nga miembro sang Pilippine Army, ginpahayag katapo sang Philippine Marines–Police
Next post Mga criminal gangs nga posible mangin private armed groups, ginatutukan sang IPPO