(UPDATE) Tricycle driver nga gintiro-patay sa Sooc, Arevalo, manugbantay sadtu sa resthouse ni Atty. Edeljulio Romero

Iloilo City–Manugbantay sadtu sang rest house ni Atty. Edeljulio Romero nga abogado ni the PDEA identified drug group leader Melvin Odicta ang gintiro patay nga tricycle driver sa Barangay Sooc, Arevalo kagab-i, Setyembre 28.

Ini ang ginkumpirmar ni Rowena, live-in partner sang biktima nga si Benjie Abacajin, 41 anyos sang Brgy. Sto Niño Norte.

Suno kay Rowena, nagkilalahay sanday Abacajin kag Atty. Romero bangud kliyente sang abogado ang utod sang iya live-in partner.

Na-untat suno sa iya ang pagpangamo sang iya ka-live in sa abogado sang nahibaluan nga involved ini sa illegal nga druga sang 2016.

Gin-ako ni Rowena nga nagabaligya sang illegal nga druga si Abacajin sang soltero pa ini apang nag-untat sang na-upod sila nga duha.

Nag-graduate suno sa iya sang Hulyo sa drug rehab program si Abacajin matapos nagsurrender sa Tokhang. Wala naman sang ideya si Rowena kon sin-o ang nagtiro patay sa iya live-in partner. (AGB)