Nag-usmod kag naglitik nga duta sa Patnongon, Antique, nagalab-ut sa 5 ka ektarya suno sa MDRRMO

Antique–Ginabanta sa lima ka ektarya ang apektado sa paglitik kag pag-usmod sang duta sa porsyon sang nabukid nga bahin sang Barangay Carit-an, Patnongon suno kay Municipal Disaster and Risk Reduction Management Officer Engr. Andres Francis Gideon Esler.

Setyembre 25 sang ginreport sang mga pumuluyo ang insidente suno kay Esler.

Gilayon nga gin-inspect sang MDRRMO ang lugar kag nagsumiter sang report sa Mines and Geosciences Bureau sang Setyembre 26.

Suno kay Esler, magluwas sa pag-usmod sa nabukid nga bahin sa lugar, may mga litik man nga nagluntad sa mga patag nga bahin sang barangay.

Nagtukod na sang composite team ang Provincial Environemnt and Natural Office sa pag-assess sang sitwasyon sa apektado nga barangay. (AGB)