University of San Agustin, nakabaton sang bomb threat!
General Luna St., Iloilo City–Gin-confirm ni Rev. Fr. Williener Jack E. Luna, OSA, Director sang Philanthropic, External and Alumni Relations (PEAR), nga nakabaton sila sang bomb threat paagi sa private message sa ila Facebook page halin sa account nga nakapangalan kay Felix Tan subong nga hapon, Oktubre 3.
Gilayon nga nagtawag sang police ang school authorities agud ma-check ang eskwelahan.
Nag-abot na ang taga-Explosive and Ordnance Division agud usisaun ang Rada Hall.
Ginapatihan nga ginhimo-himo lang ang Facebook account nga nagpadala sang mensahe bangud wala sang profile picture suno kay Father Luna. (AGB)