SUSPECT NGA NAGPADALA SANG BOMB THREAT SA UNIVERSITY OF SAN AGUSTIN, NAKILALA NA; SUSPECT, GINLARAGWAY NGA PERSON WITH SPECIAL NEEDS

Nakilala kag natultulan sang police ang suspek nga nagpadala sang bomb threat sa University of San Agustin.

Ginconfirmar ni Supt. Jonathan Pablito, hepe sang Police Station 1, nga na-trace sang ila mga imbestigador sa Facebook si alyas Vic, 28 anyos.

Gin-ako ni Vic suno kay Pablito ang pagpadala sang bomb threat sa University of San Agustin kag isa pa gid ka eskwelahan apang nanginwala nga siya ang nagpamahug sa Ateneo de Iloilo.

Una nga nakabaton ang USA sang pamahug sang Oktubre 3 sang hapon kag ginsundan pa gid kahapon apang negatubo sa explosive ang unibersidad sang gin-usisa sang mga katapo sang Explosive and Ordnance Division.

Ginlaragway naman ni Pablito si Vic nga person with special needs.

Ma-istorya ang suspek suno kay Pablito apang may mga aktwasyon siya nga bata-bata.

Naga-kooperar man ang ginikanan ni Vic suno sa hepe agud nga makabulig sa imbestigasyon.