Application for franchise sang Monte Oro Resources and Energy agud mangin bag-o nga power distributor sa Iloilo City, aprubado na sa second reading sa Kamara

Iloilo City–Aprubado sa second reading sang Kamara ang application sa prangkisa sang Monte Oro Resoures and Energy ukon MORE para mangin bag-o nga power distrubutor sa syudad sang Iloilo.

Ini ang ginconfirmar ni Councilor Joshua Alim. Apang gin-athag sang konsehal nga indi pa ini lubos nga aprubado bangud maagi pa ini sa third reading.

Ginpahayag man sang konsehal nga ara pa gihapon sa committee level ang application sang pag renew sang prangkisa sang Panay Electric Cooperative ukon PECO.

Gin-athag man ni Alim nga indi matuod ang ginahambal sang PECO nga ma blackout ang syudad kon ang MORE ang mahatagan sang prangkisa.

Suno sa konsehal, pamahog lang ini kag gintawag niya nga manugsab-og sang kakulba sa mga konsumidor ang PECO. (AGB)