Pagbukas sang Boracay sa Oktubre 26, madayon bisan wala pa natapos ang road rehabilitation project

Malay, Aklan–Madayon na ang pagbukas sang Boracay sa Oktubre 26.

Ini bisan nga indi mahuman ang kabug-usan nga road rehabilitation project sa isla suno sa executive assistant for mayor sang Malay, Aklan nga si Mr. Rowen Aguirre.

Magapadayon suno sa iya ang pag-ubra sang Deparment of Public Works and Highway ukon DPWH sa karsada bisan mabukas na ang isla. May ginpreparar nga contingency plan ang gobyerno agud malikaw ang mga turista sa ginakay-o nga dalan kag malikawan ang pagpugok sang trapiko.

Ginhimo suno kay Aguirre nga 12 meters ang kalaparon sang karsada lakip na ang drainage canal kag sidewalk halin sa Cagban Port tubtob plaza sang Barangay Balabag. (AGB)