Estudyante sa Alimodian, nagreklamo matapos nakit-an sa sulod sang CR ang spy camera samtang nagapanghi

Alimodian– Nagreklamo sa pulis ang estudyante nga babaye matapos nakit-an sa sulod sang CR sang eskwelahan sa Alimodian ang spy camera sang Oktubre 3.

Suno kay PO2 Vivian Alingalan sang Alimodian Police Station, natukiban sang high school tudent ang spy camera samtang nagapangihi siya sa comfort room.

Suno sa wala ginhingadlan nga estudyante, namutikan sini nga may nagasiga sa idalum sang lababo sang banyo kag sang gin-uyatan sini kag gin-usisa, diri nahibaluan nga spy camera ang gintago.

May suspek na ang Alimodian Police kun sin-o ang nagbutang sang spy camera nga ginpahayag isa ka maestro.

Una diri, ginpahayag sang mga babaye nga mga estudyante nga ginhambalan sila sang nasambit nga maestro nga magtungtong sa basin sa tion nga magpangihi. (JoMaque)