Maestro nga gintudlo nagbutang sang spy camera sa CR sang classroom sa Alimodian, wala na nakareport sa eskuwelahan

Alimodian, Iloilo — Wala na nakareport sa eskuwelahan ang maestro nga ginreklamo nagbutang sang spay camera sa CR sa isa ka eskuwelahan.

Ini ang pahayag ni PO2 Vivian Alingalan sang Alimodian Police Station makaligad nagreklamo ang mga estudyante sang Oktubre 4.

Duha ka tuig kag regular na nga nagatudlo ang amestro nga ginareklamo. Suno kay Alingalan, desidido nga magpasaka sang reklamo ang ginikanan sang mga estudyante bangud lunsay menor-de-edad ang ila kabataan.

Nakatuad pa suno kay Alingalan ang mga tagreklamo nga gina-abisuhan sila sang maestro nga magkatin-katin kon magpangihi agud indi matapikan sang virus.

Sapulon sang Alimodian police kag Department of Social Welfare and Development ang mga ginikanan sang tagreklamo kag mga maestro.

Padayon pa man nga gina-imbestigaran sang police kag pamunuan sang eskuwelahan ang natabu. (JoMaque)