Amay kag 3 ka tuig nga bata sini, patay sang ginbangga-an kag gintiro sa Lemery

Lemery, Iloilo–Patay ang mag-amay sang gintiro sang ginapatihan lima ka suspetsado mga las-8 kaina sang aga, Oktubre 8.

Suno kay Inspector Ariel Buenavista sang Lemery Police Station, ginkilala ang mga biktima kanday Dexter Peñalosa, 39 anyos, kag 3 ka tuig sini nga bata nga si Kian sang Brgy. Cabantohan sa amo nga banwa.

Ginpahayag ni Inspector Buenavista nga nagapakadtu sa barber shop sa banwa ang mag-amay sakay sa ila motorsiklo sang ginpahayag ginbangga-an kag gintiro sang lima ka lalaki.

Sa initial nga impormasyon, may duha ka pilas sa dughan si Dexter samtang may pilas naman sa ulo si Kian kag pareho nga dead-on-arrival sa ospital.

May anggulo na nga ginasunod ang Lemery police sa insidente apang indi pa nila masugid bangud sang nagapadayon nga imbestigasyon. (AGB)